Et ass d'Freed um Genoss, déi de Jean-Pierre Heintz zur Grënnung vu senger Manufaktur beweegt huet. An dëse Leetsaz vun der Freed um Genoss begleet eis als Familljebetrib mëttlerweil an der 6. Generatioun. E Leetsaz, deen ouni eng grouss Sensibilitéit fir Qualitéit net virstellbar ass. Mir schaffe mat engem Naturprodukt, wat bedeit, datt et eis Flicht ass, d'Originnen an de Wee vun eiser Matière première ze kennen an ze kontrolléieren, ier se bei eis verschafft gëtt.

D'Beschreiwung vun eiser Aarbechtsweis wier awer onkomplett, ouni d'Leit, déi an eisem Haus schaffen, ze ernimmen. Si suerge fir e kosmopolitescht Aarbechtsklima, kennen de Goût vun de Leit weltwäit a kënnen esou Produkter fir lokal Marchéen entwéckelen. Well dem ënnerschiddleche Goût muss ee Rechnung droen, soss kann een dem Client net de volle Genoss bidden.
Mir hunn e familiäert Aarbechtsklima bei Landewyck, trotz der Gréisst vun der Firma, an dat mécht eis esou erfollegräich. Hei kennt jiddwereen deen aneren, well e Landewyck-Mataarbechter geet net esou séier erëm fort.

D'Kombinatioun vu Gedold an Innovatioun maachen de Kär vun eiser Aarbechtsweis aus.
Mir huelen eis Zäit, déi richteg Produkter ze entwéckelen, déi perfekt op de Client zougeschnidde ginn. Duerfir analyséieren an interpretéiere mir all Trend, an dat Dag fir Dag, fir eise Clienten ëmmer erëm flott Produktinnovatioune kënnen unzebidden.

Eis läit vill un eisem Qualitéitsprädikat "hausgemaach", dowéint investéiere mir konsequent an eis Wierker a stellen eis Produkter an eisen europäeschen Hausfabricke selwer hier. Mir bestinn op enger Fabrikatioun mat héchstem europäesche Qualitéitsstandard, well "hausgemaach" ass dat, wat déi meescht Leit am léifsten hunn.

Ech hunn eng Fro

D'Produktioun an d'Standuerter am Ausland

Den Tubak, dee mir verschaffen, kënnt virun allem aus Nordamerika, Simbabwe oder Europa. D'Blieder gi gepléckt, da gedréchent an duerno fermentéiere gelooss.
Fir d'Auswielen an de Kaf vun den Tubakszorte sinn d'Experte vu Landewyck zoustänneg. Si huele Stéchprouwen, déi da genee kontrolléiert ginn. Nëmmen déi bescht Qualitéit gëtt ugeholl.
Zu Lëtzebuerg-Hollerech gëtt d'Matière première net nëmme gelagert; hei ginn d'Tubaksblieder och eng éischte Kéier opbereet. D'Gesamtfläch vun dësem Standuert erstreckt sech iwwer 40.000 m2.

Well sech déi verschidden Zigarettemarken am Goût ënnerscheeden, d'Rekolten awer net all Joer d'nämmlecht ausfalen, gi 40 verschidden Tubakszorte matenee vermëscht, fir datt jiddwer Mark och ëmmer hire ganz speziellen, eegene Goût behält. 

Déi gedréchent Tubaksblieder ginn d'éischt gewien an da mat Damp ugefiicht, ier se gemëscht ginn. No enger Zwëschelagerung vu 24 Stonne gëtt dës Mëschung mat natierlechen Aromaen ugeräichert, ier d'Tubaksblieder geschnidde ginn an an d'Réischtermaschinn kommen. D'Mëschung ass domat prett fir dee leschte Veraarbechtungsschrëtt.

Wierk an Däitschland

No der Grënnung am Joer 1925 gëtt dës Filial 1995 vum Tréirer Stadzentrum an d'Industriegebitt Trier-Euren verlagert. 300 Mataarbechter sinn hei beschäftegt. D'Tréirer Wierk huet sech op d'Verpake spezialiséiert: Méi wéi 140 Marke ginn hei fir eng ganz Rëtsch vu Länner verpaakt. Landewyck Tréier ass och déi zentral Distributiouns- an Ofrechnungsplaz fir all d'Produkter vum Grupp, déi fir den däitsche Maart bestëmmt sinn.

Halfzware- an Zwaretabak goufen zum Groussdeel vun der Firma Biggelaar (haut Landewyck Holland) an Holland hiergestallt a vermaart. D'Wierk huet säi Sëtz zu Roosendaal a beschäftegt den Ament ronn 30 Mataarbechter. D'Firma gouf am 18. Joerhonnert gegrënnt an 2001 vun Heintz van Landewyck iwwerholl.

Den Tubak fir ze dréie gëtt an Tute verpaakt, den Tubak fir Hülsen an Dousen. D'Hierstellung vun den Hülse stellt besonnesch Uspréch un d'Maschinnen, besonnesch bei der Zesummeféierung vum Filter an der Hüls. D'Hülse gi vun der Firma Róna zu Debrecen/Ungarn produzéiert. 

Róna gouf 1867 gegrënnt an 1993 vun Heintz van Landewyck iwwerholl. Zil war heibäi eng strategesch optiméiert Positionéierung vum Grupp op den zentraleuropäesche Mäert. Róna produzéiert a verkeeft aktuell ronn eng Dose Feinschnëtt-Marken an Ungarn an den Nopeschlänner. 1995 gouf eng Verkafsabteilung zu Budapest ageriicht. Róna beschäftegt am Ablack 300 Mataarbechter an ass e wichtegt Element am Kader vum Grupp senger geographescher Ausbreedung. Am performante Labo vu Landewyck Lëtzebuerg gëtt d'Qualitéit vun der Matière première an dem fäerdege Produkt analyséiert. D'Logistik vum Konzern ass zum gréissten Deel automatiséiert.

Ech hunn eng Fro